Yeni tariflər biznes mühitinə müsbət təsir göstərir - Vüsal Şıxəliyev
Azərbaycanda su şəbəkəsinə qoşulma prosesinin təkmilləşdirilməsi və yeni tariflərin tətbiqi ilə bağlı görüş keçirilib.
Crossmedia.az xəbər verir ki, Azərbaycan Dövlət Su Ehtiyatları Agentliyinin rəhbərliyi ilə fəaliyyət göstərən "Su şəbəkələrinə qoşulma" işçi qrupu çərçivəsində baş tutan tədbirdə biznes nümayəndələri və digər maraqlı tərəflər iştirak edirlər.
Biznes Mühiti və Beynəlxalq Reytinqlər üzrə Komissiya Katibliyinin rəhbəri Vüsal Şıxəliyev çıxış edərək islahatların əhəmiyyətindən danışıb. O bildirib ki, yeni tariflər və sadələşdirilmiş prosedurlar biznes mühitinə müsbət təsir göstərir, şəffaflığı və operativliyi artırır.
Tədbirdə su şəbəkəsinə qoşulma ilə bağlı mövcud problemlər, yeni qaydaların tətbiqi və biznes subyektləri üçün yaradılan imkanlar müzakirə olunur. İştirakçılar bu dəyişikliklərin sahibkarlıq fəaliyyətinə töhfə verəcəyini qeyd edirlər.
Maral Şahverdili
Nihat Tahirov
16:05 30.01.2025
Oxunuş sayı: 2349
