Kursk: Tarixi, strateji və geosiyasi əhəmiyyəti
Kursk şəhəri və onun ətrafı, həm Rusiya, həm də Ukrayna üçün mühüm tarixi və strateji əhəmiyyətə malikdir. İkinci Dünya Müharibəsində ən böyük tank döyüşlərindən birinin baş verdiyi Kursk, Sovet İttifaqı üçün tarixi bir qələbə məkanı olaraq yadda qalmışdır. Bu gün də Rusiya üçün mühüm hərbi və sənaye mərkəzi kimi tanınır. Hazırkı Rusiya-Ukrayna münaqişəsi fonunda isə bu bölgə yenidən diqqət mərkəzinə düşmüşdür.
Mövzu ilə bağlı Crossmedia.az-a danışan hərbi ekspert Emin Həsənli bildirib ki, “Kursk vilayəti mənəvi baxımdan da, strateji baxımdan da Rusiya üçün çox əhəmiyyətlidir. Mənəvi baxımdan desək, hər bir ölkənin əldə etdiyi torpaq onun üçün mənəvi baxımdan önəmlidir. Rusiyanın ilk böyük köçləri bu istiqamətdə baş vermişdi. İkinci Dünya Müharibəsindən sonra Rusiyadan məcburi köçkünlər yox oldu. Rusiya özü də o prosesi yaşadı və bilir ki, bu nə deməkdir.”
Həsənli həmçinin əlavə edib ki, “Bildiyiniz kimi, Ukrayna ilə müharibə davam edir. Rusiya Ukraynaya hücum etdi. Ukrayna isə Rusiya üzərinə zərbələr endirdi. Amma son zamanlar Ukrayna Rusiyaya daha ciddi zərbələr endirdi. Proses həm müdafiə, həm hücum xarakteri daşıyırdı.”
Ekspertin fikrincə, gələcəkdə müzakirələr bu əsasa dayanacaq: “Rusiya istəyir ki, Ukraynanın atəşkəsi olmasa belə, digər əraziləri saxlamaq şərti ilə atəşkəs təmin olunmasın. Lakin bu hər iki tərəfin istəyi tam həyata keçə bilməyəcək. Müharibə davam edərsə, Rusiya həm iqtisadi, həm də gələcək baxımından çətinliklərlə üzləşəcək.”
Hər iki tərəfin itkilərinə toxunan Həsənli qeyd edir ki, “Hər iki tərəf bir milyondan çox insan itirib və bu, dünyada dəyişikliklərə səbəb olub. İnsan faktoru həm Rusiya, həm də Ukrayna üçün böyük rol oynayır. Dövlət uzun müddət bu tərəflərə dəstək vermək, maliyyə yardımı etmək məcburiyyətindədir.”
Kurskun tarixi əhəmiyyəti və hazırkı münaqişədəki strateji mövqeyi, həm Rusiya, həm də Ukrayna üçün kritik əhəmiyyət kəsb edir. Bu bölgənin gələcəyi isə tərəflər arasındakı müzakirələrin nəticəsindən asılı olacaq.
Maral Şahverdili
09:24 18.01.2025
Oxunuş sayı: 2488
