Nikonun 2026-cı il mikrofotoqrafiya müsabiqəsinin qalibləri açıqlanıb
Nikonun mikroskop vasitəsilə çəkilmiş görüntülərə həsr olunan “Small World” fotoqrafiya müsabiqəsində birinci yeri printerdəki mürəkkəb damcılarını əks etdirən fotoşəkil qazanıb.
Crossmedia.az xəbər verir ki, Almaniyadan olan tələbə və eksperimental fotoqraf Ole Bielfeldt tərəfindən çəkilən görüntü müsabiqənin 52-ci buraxılışının qalibi olub. Köln şəhərində yaşayan Bielfeldt bu fotonu özünün hazırladığı xüsusi qurğu vasitəsilə əldə edib.
Fotoqraf mürəkkəb püskürtməli printerlərin təsvirləri kağıza necə dəqiqliklə köçürdüyünü anlamaq istəyindən ilhamlandığını bildirib. Nikon nümayəndələri isə bu işi mikroskop texnologiyasının, yaradıcılığın və sənətkarlığın birləşməsi kimi qiymətləndiriblər.
Müsabiqədə ikinci yer polen dənələri ilə təsvir edilən tullanan hörümçəyin fotosuna görə Con-Oliver Duma, üçüncü yer isə siçanın genişləndirilmiş beynindəki neyronları əks etdirən görüntüyə görə Keylin Vulf və Reyçel Flanneriyə verilib.
Qeyd edək ki, Nikonun “Small World in Motion” video müsabiqəsi də bu il mübahisələrə səbəb olub. Oktyabrın ortalarında təşkilatçılar generativ süni intellektdən istifadənin qaydaları pozduğunu müəyyən etdikdən sonra qalibin nəticəsini ləğv ediblər.
04:20 29.10.2026
Oxunuş sayı: 45
