Qışda dərinin quruması hansı xəstəliklərin əlaməti ola bilər?
Qış aylarında dərinin quruması və qabıqlanması adi hal sayılsa da, güclü qaşınma, qızartı və iltihab atopik dermatitin, ağ pulcuqlarla örtülmüş, sərhədləri aydın qırmızı ləkələr isə psoriazın əlaməti ola bilər.
Crossmedia.az xəbər verir ki, bu barədə “Gazeta.Ru”ya məlumat verib.
Normal halda dərini nəmi saxlamağa kömək edən hüceyrə və lipidlərdən ibarət təbii qoruyucu baryer müdafiə edir. Qışda soyuq hava və rütubətin azalması bu baryerin qoruyucu xüsusiyyətlərini zəiflədə, nəticədə dərinin daha çox nəm itirməsinə səbəb ola bilər.
Mövsümi dəri quruluğu zamanı əsasən dartılma hissi, kobudlaşma və yüngül qabıqlanma müşahidə olunur. Bu əlamətlər qışda daha da güclənir, düzgün qulluq nəticəsində isə tədricən azalır.
Dərinin qoruyucu baryerini saxlamaq üçün yumşaq təmizləyici vasitələrdən istifadə etmək və müntəzəm olaraq nəmləndirici krem çəkmək tövsiyə olunur.
Atopik dermatit zamanı dəri quruluğu adətən güclü qaşınma, qızartı və iltihabla müşayiət edilir. Qaşınma xüsusilə axşam və gecə saatlarında arta bilər. Dərinin qaşınaraq zədələnməsi isə çatların və digər dəri zədələrinin yaranmasına səbəb ola bilər.
11:17 01.11.2026
Oxunuş sayı: 48
