Minalı ayı görüntüsü sosial şəbəkələrdə müzakirələrə səbəb oldu
Ağzında tank əleyhinə minaya bənzər əşya daşıyan qonur ayının fotosu sosial şəbəkələrdə yayılıb.
Crossmedia.az xəbər verir ki, bu görüntüyə hərbi ekspert Daniil Bezsonov özünün “Telegram” kanalında diqqət çəkib.
O, paylaşımına ironik münasibət bildirərək “Rusiya döyüşə döyüş ayılarını daxil edib. İndi NATO-nun bütün təlimatlarını yenidən yazmaq lazımdır”, – deyə qeyd edib.
Fotografiyanın dəqiq harada çəkildiyi məlum deyil. Şəkildəki məlumata əsasən, kamera yırtıcı heyvanı ötən ilin oktyabr ayında qeydə alıb.
Bununla yanaşı, sosial şəbəkələrin bəzi istifadəçiləri görüntüdə süni intellekt vasitəsilə yaradılma əlamətlərinin olduğunu bildirirlər. Buna görə də fotonun həqiqiliyi hələ təsdiqlənməyib.
07:53 01.11.2026
Oxunuş sayı: 43
