ABŞ Ukraynaya 2,1 milyard dollarlıq raket satışını təsdiqləyib
ABŞ Ukraynaya təxminən 2,1 milyard dollar dəyərində 500 ədəd "Patriot" hava hücumundan müdafiə raketinin satışını təsdiqləyib.
Crossmedia.az xəbər verir ki, ABŞ Dövlət Departamenti bu barədə məlumat yayıb.
Oktyabrın 30-da təsdiqlənən mümkün satış paketinə "Patriot PAC-3 MSE" raketləri, ehtiyat hissələri, logistika və texniki dəstək xidmətləri daxildir.
Razılaşmanın Kanada, Almaniya və Norveçin "JUMPSTART" proqramı çərçivəsində ayırdığı vəsait, həmçinin Avropa İttifaqının kredit dəstəyi hesabına maliyyələşdirilməsi nəzərdə tutulur. Satış üçün ABŞ büdcəsindən vəsait ayrılmayacaq.
Raketlərin əsas istehsalçısı "Lockheed Martin" şirkəti olacaq.
ABŞ Dövlət Departamentinin məlumatına görə, satış Ukraynanın hava və raket hücumlarından müdafiə imkanlarının gücləndirilməsinə xidmət edəcək.
Qeyd edək ki, satışın həyata keçirilməsi üçün Konqresdə müvafiq baxış proseduru tamamlanmalıdır. Raketlərin çatdırılma tarixi hələ açıqlanmayıb.
10:21 31.10.2026
Oxunuş sayı: 69
