Amerika
40-50 milyard dollar ABŞ üçün heç nədir, amma...- Partiya sədri
ABŞ-nin İrana qarşı genişmiqyaslı hərbi əməliyyatlarının xərclərinin 47,1 milyard dollara çatması barədə yayılan beynəlxalq məlumatlar qlobal maliyyə bazarlarında və iqtisadi dairələrdə kəskin müzakirələrə yol açıb. Bəzi analitiklər bu nəhəng rəqəmin Vaşinqtonun daxili büdcəsinə ağır yük olacağını iddia etsələr də, qlobal iqtisadiyyatın görünməyən pərdəarxası daha dərin təhlükələrdən xəbər verir. ABŞ-nin nəhəng hərbi-sənaye kompleksi və trilyonluq müdafiə büdcəsi fonunda bu məbləğ statistik bir detal kimi görünə bilər. ABŞ-nin İrana qarşı genişmiqyaslı hərbi əməliyyatlarının xərclərinin 47,1 milyard dollara çatması barədə yayılan beynəlxalq məlumatlar qlobal maliyyə bazarlarında və iqtisadi dairələrdə kəskin müzakirələrə yol açıb. Bəzi analitiklər bu nəhəng rəqəmin Vaşinqtonun daxili büdcəsinə ağır yük olacağını iddia etsələr də, qlobal iqtisadiyyatın görünməyən pərdəarxası daha dərin təhlükələrdən xəbər verir. ABŞ-nin nəhəng hərbi-sənaye kompleksi və trilyonluq müdafiə büdcəsi fonunda bu məbləğ statistik bir detal kimi görünə bilər. Lakin münaqişənin coğrafiyasının genişlənməsi, Fars körfəzindəki neft marşrutlarının təhlükə altına düşməsi və logistik zəncirin qırılması qlobal iqtisadiyyata qarşısıalınmaz bahalaşma dalğası vəd edir.
Bu böhranlı mənzərədə ən kritik sual ortaya çıxır: Bu miqyasda hərbi xərclərin ABŞ büdcəsinə və dünya iqtisadiyyatına real təsirləri nədən ibarətdir və hərbi əməliyyatların uzanması dünya üzrə enerji qiymətlərini, daşınma xərclərini və inflyasiya risklərini nə dərəcədə alovlandıracaq?
REAL partiyasının sədri Natiq Cəfərli bu barədə Crossmedia.az-a danışıb:
“ABŞ-nin hərbi büdcəsi bir trilyon dollara yaxındır. Buna görə də orada 40-50 milyard dollar çox az bir məbləğdir, ciddi bir təsiri yoxdur. Amma müharibə, əlbəttə, enerji bazarlarına, logistikaya və dünyadakı inflyasiyaya təsir edir”.
"Müharibə uzandıqca dünyanın hər yerində qiymət artımının sürətləndiyini görürük. Enerji daşıyıcıları bahalaşır, logistika mürəkkəbləşir, daşınma xərcləri kəskin artır və bütün bunlar dünya iqtisadiyyatına ciddi bir bahalıq, inflyasiya yükü gətirir", - N.Cəfərli əlavə edib.
Zeynəb Həsən
14:30 28.10.2026
Oxunuş sayı: 54
