Donald Tramp: “Kanada ABŞ-ın 51-ci ştatı ola bilər”
Crossmedia.az xəbər verir ki, ABŞ-ın seçilmiş prezidenti Donald Tramp Kanadanın ABŞ-a 51-ci ştat kimi qoşulmasını təklif edib. Bu barədə o, Truth Social platformasında yazıb.
Trampın bu bəyanatı Kanada Baş naziri Castin Trüdonun istefa niyyəti ilə bağlı açıqlamasına cavab olaraq gəlib. O bildirib ki, ABŞ artıq Kanadanın böyük ticarət kəsiri və subsidiyalarını dəstəkləyə bilməz.
Trampın fikrincə, iki ölkənin birləşməsi ticarət tariflərinin ləğv olunmasına, vergilərin azaldılmasına və Kanadanın Rusiya və Çin təhlükələrinə qarşı tam təhlükəsizliyinin təmin olunmasına kömək edəcək.
Xatırladaq ki, Trüdo hakim Liberal Partiyanın yeni lideri seçildikdən sonra baş nazir vəzifəsindən istefa verəcəyini açıqlayıb. O, ailəsinə dəstəyə görə təşəkkür edib və qərarını artıq övladlarına çatdırdığını bildirib.
Emil Bağızadə
19:07 06.01.2025
Oxunuş sayı: 10728
