Hava çatışmazlığı ciddi xəstəliyin əlaməti ola bilər
İstirahət zamanı nəfəs darlığı və hava çatışmazlığı hissi ürək çatışmazlığı kimi ciddi xəstəliklərin əlaməti ola bilər.
Crossmedia.az xəbər verir ki, Rusiyanın “SM-Klinika” tibb mərkəzinin kardioloqu Sergey Veçtomov bu barədə “Lenta.ru” nəşrinə açıqlamasında bildirib.
Həkimin sözlərinə görə, hava çatışmazlığı hissi yalnız ağciyər xəstəlikləri ilə deyil, ürəyin fəaliyyətindəki pozuntularla da əlaqəli ola bilər.
“Ürək qanı effektiv şəkildə pompalaya bilmədikdə ağciyərlərdə maye yığıla bilər. Bu zaman nəfəs darlığı və hava çatışmazlığı hissi yaranır. Belə əlamətlər daha çox ürək çatışmazlığı zamanı müşahidə olunur”, – deyə kardioloq izah edib.
Mütəxəssis istirahət vəziyyətində yaranan nəfəs darlığının diqqətdən kənarda saxlanılmamasını tövsiyə edib.
Qeyd edək ki, qəfil başlayan və ya güclü nəfəs darlığı, xüsusilə sinə ağrısı, huşun itirilməsi və ya dodaqların göyərməsi ilə müşayiət olunursa, təcili tibbi yardım tələb edə bilər.
17:52 22.10.2026
Oxunuş sayı: 56
