Qərb ölkələrinin hakimiyyətləri Rusiyanın diplomatik nümayəndəliklərinə və onların əməkdaşlarına qarşı həyata keçirilən təxribatların arxasında tez-tez dayanırlar.
Crossmedia.az xəbər verir ki, “RİA Novosti” bu barədə məlumat yayıb.
Rusiya Xarici İşlər Nazirliyinin sözçüsü Mariya Zaxarova bu barədə Şərq İqtisadi Forumunda “RİA Novosti”yə müsahibəsində bildirib.
Diplomatın sözlərinə görə, Qərb ölkələrində Rusiyanın səfirlikləri ətrafında aqressiv bəyanatlar, açıqlamalar və hərəkətlərlə müşayiət olunan gərgin atmosfer yaradılıb.
“Bunlar təxribatlar, əməkdaşların birbaşa hədələnməsi və müxtəlif formada özünü ifadə edən çılğın hərəkətlərdir. Bildiyimiz kimi, çox vaxt bu təxribatların arxasında rəsmi hakimiyyət nümayəndələri də dayanır”, – Zaxarova deyib.
Bundan əvvəl Rusiya İsveçi Stokholmda diplomatik obyektlərə qarşı pilotsuz uçuş aparatları ilə həyata keçirilən hücumların qarşısını ala bilməməkdə ittiham edib. Moskvanın məlumatına görə, 2024-cü ildən etibarən belə 25 insident baş verib.
Rusiya Xarici İşlər Nazirliyi hesab edir ki, İsveç tərəfi bu cür aksiyaların qarşısını ya ala bilmir, ya da bunu etmək istəmir.
Bu fonda Rusiya ilə İsveç arasında münasibətlər də pisləşməkdə davam edir. Stokholm Rusiyanı kəşfiyyat fəaliyyəti aparmaqda ittiham edir, göyərtəsində Rusiya vətəndaşları olan gəmiləri saxlayır və Ukraynaya hərbi yardımı artırır.
Zaxarova bundan əvvəl Almaniyanı yalan danışmaqda və “öz aralarında sövdələşməkdə” ittiham etmişdi.
