ABŞ kəşfiyyat təyyarəsi radarlardan belə yoxa çıxıb
ABŞ Hərbi Hava Qüvvələrinin strateji kəşfiyyat təyyarəsi sentyabrın 2-də Murmanskın şimalında Barens dənizi üzərində patrul zamanı transponderin söndürülməsi səbəbindən mülki radarlardan yoxa çıxmış ola bilər.
Crossmedia.az xəbər verir ki, “Gazeta.Ru” bu barədə məlumat yayıb.
Rusiya Hərbi Hava Qüvvələrinin əməkdar hərbi pilotu Vladimir Popovun sözlərinə görə, təyyarə yalnız mülki radarların ekranından itib, Şimal Donanmasının hərbi nəzarət sistemləri isə onu izləməyə davam edib.
Popov bildirib ki, transponder söndürüldükdə təyyarə ikinci dərəcəli radiolokasiya sistemlərindən yoxa çıxa bilər. Lakin Şimal Donanmasının hava məkanına nəzarət edən vahid sistemində təyyarənin hərəkəti izlənilib.
Onun sözlərinə görə, hərbi qurumlara tabe olmayan nəzarət sistemləri də təyyarənin harada olduğunu bilib.
Hərbi pilot ehtimal edib ki, ABŞ təyyarəsi transponderi söndürdükdən sonra uçuş hündürlüyünü azaldıb və NATO ölkələrindən birinin aerodromuna istiqamət götürüb.
Popov vurğulayıb ki, insident zamanı Rusiya hava məkanının pozulması baş verməyib. O, həmçinin Rusiya qırıcılarının havaya qaldırılmadığını bildirib.
ABŞ Hərbi Hava Qüvvələrinin strateji kəşfiyyat təyyarəsinin sentyabrın 2-də Murmanskın şimalında Barens dənizi üzərində təxminən bir saat patrul etdikdən sonra radarlardan itdiyi bildirilmişdi.
15:06 03.09.2026
Oxunuş sayı: 40
