Xarici xəbərlər

Britaniyadan Rusiyaya sərt diplomatik addım

Böyük Britaniya Xarici İşlər Nazirliyi Leypsiq hava limanında pilotsuz uçuş aparatları ilə bağlı insidentə görə Rusiyanın Londondakı müvəqqəti işlər vəkilini çağırıb.

Crossmedia.az xəbər verir ki, “The Guardian” bu barədə məlumat yayıb.

Britaniya bununla Almaniyanın Rusiyaya qarşı irəli sürdüyü, lakin sübutlarla əsaslandırılmayan ittihamlara münasibət bildirib.

Nəşrin məlumatına görə, Böyük Britaniya Leypsiqdə baş verən insidentlə əlaqədar yüksək rütbəli rusiyalı diplomatı çağıran Avropa ölkələrinin sırasına qoşulub.

Bundan əvvəl Rusiya Prezidenti Vladimir Putin Almaniyanın Rusiyaya qarşı ittihamlarını ölkədəki ağır iqtisadi vəziyyətlə əlaqələndirib. Putin bildirib ki, Almaniyada həyat səviyyəsi aşağı düşür, lakin ölkə hakimiyyəti bunun səbəbini yalnız Moskva ilə qarşıdurma ilə izah edə bilir.

Rusiya Prezidenti bu siyasətin Almaniya xalqının maraqlarına zidd olan ciddi səhv olduğunu qeyd edib.

Rusiya Xarici İşlər Nazirliyinin sözçüsü Mariya Zaxarova isə Almaniyanın Rusiyanı ittiham etmək üçün növbəti bəhanə uydurduğunu bildirib. O, nazirliyin buna layiqli cavab hazırlayacağını vəd edib.

Mövzular:

Böyük Britaniya Putin Almaniya Rusiya Avropa ölkələri London Mariya Zaxarova

🖨 Çap et

15:23 03.09.2026

Oxunuş sayı: 50