Xarici xəbərlər

Kiyevdə qanlı atışma: hüquq-mühafizə orqanları hərəkətə keçdi

Kiyevin Svyatoşin rayonunda baş verən atışma ilə əlaqədar hüquq-mühafizə orqanları xüsusi əməliyyat keçirir.

Crossmedia.az xəbər verir ki, “İnterfaks-Ukrayna” bu barədə məlumat yayıb.

Kiyev polisi bildirib ki, atışma barədə məlumat səhər saatlarında daxil olub. Hadisə nəticəsində bir nəfərin yaralandığı və ona həkimlərin tibbi yardım göstərdiyi bildirilib.

“Strana.ua”nın məlumatına görə, atışma Jitomirskaya yaxınlığındakı xəstəxananın qarşısında baş verib. Hüquq-mühafizə orqanları xəstəxananın ərazisini mühasirəyə alıb.

Hadisə yerində çoxlu qan izlərinin olduğu qeyd edilir.

Xatırladaq ki, sentyabrın 2-nə keçən gecə Kiyevdə Ukrayna Təhlükəsizlik Xidmətinin əməkdaşları ilə Baş Kəşfiyyat İdarəsinin nümayəndələri arasında atışma baş vermişdi.

Məlumata görə, SBU əməkdaşları “Rusiya Könüllülər Korpusu”nun komandir müavini Stepan Kaplunovun mənzilində əməliyyat-istintaq tədbirləri aparmaq üçün əraziyə gəlib. Lakin GUR əməkdaşları onların qarşısını kəsib.

Mövzular:

Svyatoşin rayonu Kiyev İnterfaks-Ukrayna Kiyev polisi Baş Kəşfiyyat İdarəsi Rusiya Könüllülər Korpusu Stepan Kaplunov

🖨 Çap et

15:23 03.09.2026

Oxunuş sayı: 41