CROSSMEDIA - Analitik İnformasiya Portalı

Axtarılan söz: iş imkanları

11:18 14.10.2026

Qırğızıstandan Avropa İttifaqına sərt cavab: Bu şərti qəbul etmirik!

146

Qırğızıstan Avropa İttifaqı (Aİ) ölkələrinin Əfqanıstan və Afrika dövlətlərindən olan miqrantların qəbulu müqabilində qırğızıstanlılara Avropada işləmək imkanı yaradılması ilə bağlı təklifini qəbul etməyib. Crossmedia.az xəbər verir ki, bu barədə Qırğızıstanın xarici işlər naziri Jeenbek Kulubayev açıqlama verib. Nazirin sözlərinə görə, Avropa İttifaqı ölkələri Qırğızıstana Əfqanıstan və Afrika ölkələrindən olan miqrantları qəbul etmək müqabilində vətəndaşlarının Avropada işləməsinə şərait yaradılmasını təklif ediblər. Kulubayev ölkəsinin belə şərtlərlə danışıqlar aparmaq niyyətində olmadığını vurğulayıb. “Biz bunun qəti əleyhinəyik. Qırğızıstan vətəndaşları müstəqil şəkildə Avropaya gedib işləyə bilərlər. Bu cür şərtlər əsasında məqsədyönlü danışıqlar aparmayacağıq”, – deyə nazir bildirib. Beləliklə, Qırğızıstan hökuməti əmək miqrasiyası imkanlarının üçüncü ölkələrdən miqrantların qəbulu ilə şərtləndirilməsinə qarşı olduğunu bəyan edib.