CROSSMEDIA - Analitik İnformasiya Portalı

Axtarılan söz: Kristin Laqard

18:08 29.10.2026

Avropa Mərkəzi Bankı faiz dərəcələrini sabit saxlamağa hazırlaşır

Avropa Mərkəzi Bankının (AMB) oktyabrın 29-da keçiriləcək iclasında faiz dərəcələrini dəyişməyəcəyi gözlənilir. İnvestorların diqqəti isə Fransanın dövlət istiqrazları bazarındakı gərginliyə və AMB rəhbəri Kristin Laqardın gələcək fəaliyyətinə yönəlib. Crossmedia.az xəbər verir ki, “Reuters” agentliyinin məlumatına görə, Avrozonada inflyasiya riskləri və enerji qiymətlərinin yüksəlməsi fonunda bankın əsas depozit faizini 2,5% səviyyəsində saxlayacağı proqnozlaşdırılır. Bununla belə, enerji xərclərinin artmasının inflyasiyaya təsiri səbəbindən dekabrda faiz artımı ehtimalı da gündəmdədir. Fransanın dövlət istiqrazları üzrə gəlirliliyinin yüksəlməsi investorların narahatlığını artırıb. Ölkənin dövlət borcu və büdcə vəziyyəti ilə bağlı qeyri-müəyyənlik borclanma xərclərini artırır. Bu vəziyyət həm hökumətin, həm də biznes və ev təsərrüfatlarının maliyyə yükünü ağırlaşdıra bilər.