Venesuelada zəlzələ qurbanlarının sayı 3 685-ə çatıb
Venesuela Milli Assambleyasının sədri Xorxe Rodriqes ölkədə baş vermiş iki güclü zəlzələ nəticəsində ölənlərin və yaralananların sayı barədə yeni məlumat yayıb.
Crossmedia.az xəbər verir ki, Xorxe Rodriqes sosial şəbəkə hesabında paylaşdığı açıqlamada bildirib ki, təbii fəlakət nəticəsində həlak olanların sayı 3 685 nəfərə, yaralananların sayı isə 16 740 nəfərə çatıb.
Onun sözlərinə görə, evlərini itirən sakinlər üçün yaradılmış müvəqqəti sığınacaqların sayı 87-yə yüksəlib. Zərərçəkənlərə indiyədək 9 603 tondan çox ərzaq yardımı çatdırılıb.
Yerli KİV-in məlumatına əsasən, ən çox insan və maddi itkinin qeydə alındığı La Quayra ştatında dağıntıların aradan qaldırılması işləri sürətlə davam etdirilir. Könüllülər isə çadır şəhərciklərində zərərçəkənlərə yardım göstərməkdə davam edirlər.
10:46 08.07.2026
Oxunuş sayı: 43
