Tramp İslama və hicablı qızlara qarşı açıq şəkildə nifrətini ifadə etdi
ABŞ Prezidenti Donald Tramp sosial media hesabında Minnesota ştatının Sent-Pol şəhərində yerləşən Gateway Akademiyasında keçirilən uşaq bağçasının məzun mərasimindən fotonu paylaşaraq müzakirələrə səbəb olub.
Crossmedia.az bu barədə xarici mediaya istinadən xəbər verir.
Məlumata görə, paylaşımda 2026-cı il məzunları olan gənc qızların ənənəvi müsəlman baş örtüklərinin (hicab) üzərindən akademik papaq taxdıqları görüntülənib.
Fotonun ilkin paylaşımı sağçı “End Wokeness” hesabı tərəfindən edilib. Paylaşımın başlığında “Minnesota ştatının Sent-Pol şəhərindəki dövlət məktəbi. Hər qız uşaq bağçasında hicab taxır…” ifadələri yer alıb.
Trampın bu paylaşımı sosial şəbəkələrdə geniş müzakirələrə səbəb olub. Tənqidçilər bunu müsəlman icmasına qarşı mənfi münasibət kimi qiymətləndiriblər, tərəfdarları isə paylaşımı təhsil və miqrasiya siyasəti ilə bağlı müzakirələr çərçivəsində dəyərləndiriblər.
19:57 07.07.2026
Oxunuş sayı: 45
