Dördüncü Azərbaycan Vokalçılar Festivalı başlayıb
Mədəniyyət Nazirliyinin dəstəyi, Azərbaycan Dövlət Akademik Opera və Balet Teatrı və Bülbül Vokal Məktəbinin təqdimatında dördüncü dəfə Azərbaycan Vokalçıları Festivalına start verilib.
Crossmedia.az xəbər verir ki, festival Azərbaycan klassik vokal musiqisinin inkişafı və təbliği, gənc nəsildə yüksək musiqi zövqünün formalaşdırılması məqsədilə keçirilir.
Festivalın ilk günü Azərbaycan Milli Konservatoriyasında tələbələrin iştirakı ilə "Bülbül irsi" adlı konsert proqramı və "Azərbaycan milli vokalı" adlı elmi seminar keçirilib. Seminarda sənətşünaslıq üzrə fəlsəfə doktoru, Azərbaycan Milli Konservatoriyasının professoru, konservatoriyanın elmi işlər üzrə prorektoru Lalə Hüseynova, Aleksandriya Sultan von Brüseldorff və Əməkdar artist Ramil Qasımov çıxış ediblər.
Həmçinin Bülbül Fondunda Bülbül Vokal Məktəbinin tələbələrindən ibarət konsert proqramı baş tutub. Konsertdə dünya və Azərbaycan bəstəkarlarının əsərləri səsləndirilib.
Qeyd edək ki, festivalın təntənəli bağlanış mərasimi dekabrın 24-də keçiriləcək.
13:33 21.12.2024
Oxunuş sayı: 8285
