Xarici xəbərlər

Kadırov 2007-ci ildən sonra ilk dəfə “Vahid Rusiya” siyahısına rəhbərlik etmədi

Rusiyada hakim “Vahid Rusiya” partiyasının Dövlət Dumasına keçiriləcək seçkilərlə bağlı namizəd siyahıları təsdiqlənib.

Crossmedia.az xəbər verir ki, bu barədə Rusiya mediasına istinadən məlumat yayılıb.

Məlumata görə, Moskva şəhərində keçirilən partiyanın ilkin seçki qurultayında payızda baş tutacaq Dövlət Duması seçkiləri üçün namizəd siyahıları təsdiqlənib.

Şimali Qafqaz bölgəsi üzrə 6 subyektin rəhbərləri öz regional qruplarına başçılıq etsə də, Çeçenistan rəhbəri Ramzan Kadırov bu dəfə siyahıya daxil edilməyib.

Qeyd edək ki, Kadırov 2007, 2011, 2016 və 2021-ci illərdə keçirilən bütün seçkilərdə regional qruplara rəhbərlik edib. Bu dəfə isə Çeçenistan üzrə regional qrup №57-yə Dövlət Dumasının hazırkı deputatı Şamsail Saraliyev rəhbərlik edir.

🖨 Çap et

15:50 29.06.2026

Oxunuş sayı: 54