"Güclü Ermənistan" partiyası parlamentə getməkdən imtina etdi
Ermənistanda keçirilən parlament seçkilərində iştirak edən "Güclü Ermənistan" partiyası mandatlarından imtina etmək qərarına gəlib.
Crossmedia.az xarici mediaya istinadən xəbər verir ki, bu barədə partiyaya yaxın mənbə məlumat verib.
Mənbənin sözlərinə görə, partiya rəhbərliyi parlamentdə əldə etdiyi mandatları qəbul etməmək barədə qərar qəbul edib. Qərarın səbəbləri ilə bağlı hələlik rəsmi açıqlama verilməyib.
Qeyd edək ki, partiyanın bu addımı ölkədə seçkilərin nəticələri və yeni parlamentin formalaşdırılması prosesi ilə bağlı müzakirələrin davam etdiyi bir vaxta təsadüf edir. Partiya rəhbərliyinin yaxın günlərdə məsələ ilə bağlı ətraflı mövqe açıqlayacağı gözlənilir.
15:52 09.06.2026
Oxunuş sayı: 64
