Fidan: İrəvan ilə münasibətlətimizdə irəliləyişlər əldə edilib
Son dörd ildə Ankara və İrəvan arasında münasibətlərin normallaşmasında əhəmiyyətli irəliləyişlər əldə edilib.
Crossmedia.az xəbər verir ki, bunu Türkiyənin xarici işlər naziri Hakan Fidan deyib.
"Ermənistanla münasibətlərin normallaşması prosesi eyni ruhda və Azərbaycanla sıx əlaqələndirmədə davam edir. Son dörd ildə əhəmiyyətli irəliləyişlər əldə edilib. Bizim fikrimizcə, Cənubi Qafqaz üçün əsas fürsət və məqsəd budur: sülhün təməli möhkəmləndikcə, nəqliyyat infrastrukturunun inkişafı layihələri daha da əhəmiyyətli nəticələr verəcək. Nəqliyyat infrastrukturu möhkəmləndikcə, sülhün sosial-iqtisadi təməli də öz növbəsində möhkəmlənəcək", - deyə Fidan bildirib.
O qeyd edib ki, bu konsepsiyanın ən ümidverici təsdiqi Azərbaycan və Ermənistan arasındakı sülh prosesində görünür.
"Tərəflərin münaqişəni həll etmək iradəsi bölgəmiz üçün konkret fürsət açıb. Biz Azərbaycan və Ermənistan arasında sülh prosesini dəstəkləyirik və sülh müqaviləsinin dərhal imzalanmasına ümid edirik. Biz həmçinin ümid edirik ki, Azərbaycanın haqlı narahatlıqları həll olunacaq və sülh müqaviləsi gecikmədən imzalanacaq", - deyə o bildirib.
19:00 08.06.2026
Oxunuş sayı: 43
