Suriya və Liviya EFES-2026 təlimlərində iştirak edir
Türkiyədə keçirilən EFES-2026 hərbi təlimlərində Suriya və Liviya də iştirak edir.
Crossmedia.az xəbər verir ki, bu barədə məlumatı xarici media yayıb.
Məlumata görə, Suriya ordusu silahlı qüvvələrin yenidən təşkilindən sonra ilk dəfə olaraq Türkiyədə keçirilən bu genişmiqyaslı təlimlərə qatılıb.
Həmçinin bildirilir ki, Liviya qərb və şərq bölgələrindən olan hərbi qüvvələr ilk dəfə vahid heyət kimi təlimlərdə iştirak edir. Ümumilikdə 502 liviyalı hərbçi vahid bayraq altında manevrlərə cəlb olunub.
Aprelin 20-də başlayan və mayın 21-də başa çatacaq EFES-2026 təlimlərində 50-yə yaxın ölkədən 10 minə yaxın hərbçi və müşahidəçi iştirak edir. Təlimlər ilin ən böyük birgə hərbi manevrlərindən biri hesab olunur.
13:16 21.05.2026
Oxunuş sayı: 107
