NYT: Müharibənin məqsədlərindən biri Əhmədinejadı hakimiyyətə qaytarmaq idi
ABŞ-də İranla mümkün münaqişə ssenariləri müzakirə edilərkən keçmiş İran prezidenti Mahmud Əhmədinejadın yenidən siyasi proseslərə qaytarılması da nəzərdən keçirilən variantlar arasında olub.
Crossmedia.az xəbər verir ki, bu barədə məlumatı “The New York Times” qəzeti yayıb.
Nəşrin yazdığına görə, ABŞ rəsmilərinin bu istiqamətdə Əhmədinejadla məsləhətləşmələr apardığı iddia edilsə də, sonradan prosesdə yaranan çətinliklər səbəbindən bu plandan imtina edilib.
Bundan əlavə, qəzet İsrailin İranın paytaxtı Tehranda həyata keçirdiyi hücumların ilk günlərində Əhmədinejadın yaralanması ilə bağlı iddialar da irəli sürür və həmin əməliyyatın onun “ev dustaqlığından azad edilməsi” məqsədi daşıdığı iddia olunur. Lakin əvvəlki media məlumatlarında Əhmədinejadın həmin vaxt evində olmadığı və “ev dustaqlığı” ilə bağlı xəbərlərin təkzib edildiyi bildirilmişdi.
Qeyd edək ki, Mahmud Əhmədinejad keçmiş İran prezidenti olub və son illərdə ölkə daxilində siyasi məhdudiyyətlər və hakimiyyətlə fikir ayrılıqları ilə gündəmə gəlib.
11:03 20.05.2026
Oxunuş sayı: 118
