Türkiyə Ədliyyə Nazirliyi: Məktəb hücumundan sonra sosial şəbəkələr nəzarətdədir
Türkiyə Ədliyyə Nazirliyi Kahramanmaraş vilayətində baş verən məktəb hücumundan sonra rəqəmsal platformalarda yayılan paylaşımların diqqətlə izlənildiyini açıqlayıb.
Crossmedia.az bu barədə xarici mediaya istinadən xəbər verir.
Bildirilib ki, dövlətin səlahiyyətli qurumları sosial media və digər onlayn mühitlərdə baş verən fəaliyyətləri yaxından monitorinq edir.
Açıqlamaya əsasən, ölkənin 81 vilayətində fəaliyyət göstərən 171 ağır cinayətlər üzrə prokurorluq arasında koordinasiya təmin edilib.
Xüsusilə Telegram başda olmaqla sosial şəbəkələrdə zorakılığı təbliğ edən, cinayət və cinayətkarı haqlı göstərən, qorxu və panika yaradan, eləcə də ictimaiyyəti çaşdıran məlumatlar yayan şəxslərə qarşı təcili hüquqi tədbirlər görülməyə başlanıb.
10:16 16.04.2026
Oxunuş sayı: 47
