Rusiya ilə əlaqəli hakerlər Avropa rəsmilərini hədəf alıblar
Rusiya ilə əlaqəli hakerlər Ukrayna prokurorlarının və Avropa rəsmilərinin yüzlərlə elektron poçt hesabını sındırıblar.
Crossmedia.az Reuters-ə istinadən xəbər verir.
İstintaqa görə, 2024-cü ilin sentyabrından 2026-cı ilin martına qədər ən azı 284 elektron poçt hesabı sındırılıb. Bunlardan 170-dən çoxu Ukrayna prokurorlarına və müstəntiqlərinə məxsus idi.
Xüsusilə, korrupsiyanı araşdıran, əməkdaşların aktivlərini axtaran və müdafiə məsələləri ilə məşğul olan qurumlar hədəfə alınıb.
Hakerlər bəzi məlumatları internetə sızdırıblar.
Ukraynadan başqa, NATO ölkələrindəki, Balkanlardakı rəsmilərə və strukturlara da hücum edilib.
Ekspertlər hesab edirlər ki, kampaniyanın arxasında Moskva ilə əlaqəli kibercasusluq qrupu dayanır.
18:12 15.04.2026
Oxunuş sayı: 49
