Ermənistanda mümkün seçkilərlə bağlı sorğu nəticələri açıqlanıb
“Gallup Armenia” tərəfindən aparılan son sorğuya əsasən, əgər yaxın vaxtlarda Ermənistanda parlament seçkiləri keçirilsəydi, hakim Vətəndaş Müqaviləsi Partiyası ən çox səs toplayan siyasi qüvvə olardı.
Crossmedia.az bu barədə xarici mediaya istinadən xəbər verir.
Sorğunun nəticələrinə görə, respondentlərin 24,3%-i hakim partiyaya səs verməyə hazır olduğunu bildirib. İkinci yerdə 13,4% ilə Güclü Ermənistan Partiyası qərarlaşıb. Üçüncü yeri isə 7,9% səslə Çiçəklənən Ermənistan Partiyası tutur.
Eyni zamanda, Ermənistanın ikinci prezidenti Robert Köçəryan ilə əlaqəli olan Ermənistan bloku 5,5% dəstək qazanıb.
Məlumatlar ölkədə siyasi qüvvələr arasında rəqabətin davam etdiyini və seçici dəstəyinin hələ də parçalanmış vəziyyətdə qaldığını göstərir.
15:10 07.04.2026
Oxunuş sayı: 41
