Xarici xəbərlər

Durov Rusiya və İranda Telegram qadağaları arasında paralellik apardı

“Telegram” messencerinin yaradıcısı Pavel Durov Rusiya və İranda tətbiqin bloklanması cəhdləri arasında paralellik apardığını bildirib.

Crossmedia.az bu barədə xarici mediaya istinadən xəbər verir.

Durovun sözlərinə görə, qadağalara baxmayaraq, Rusiya ərazisində milyonlarla insan hələ də VPN vasitəsilə Telegram istifadə etməyə davam edir. Onun qeyd etdiyi məlumata görə, Rusiyada təxminən 65 milyon insan hər gün VPN vasitəsilə messencerdən istifadə edir və 50 milyondan çox istifadəçi mesaj göndərir.

Durov bildirib ki, bir neçə il əvvəl İran da oxşar vəziyyət yaşanıb. Hökumətin vətəndaşları nəzarət edilən yerli tətbiqlərə keçməyə məcbur etmək cəhdləri uğursuz olub və insanlar alternativ platformalara üstünlük veriblər.

“İndi İrandakı Rəqəmsal Müqavimətin 50 milyon üzvünə əlavə olaraq, Rusiyada da 50 milyondan çox insan var”, – deyə Durov qeyd edib.

O həmçinin bildirib ki, Telegram komandası platformanın trafikinin aşkarlanmasını və bloklanmasını daha da çətinləşdirəcək texnologiyalar üzərində işləməyə davam edir. Durovun fikrincə, bu proses istifadəçilərin senzura və bloklamalardan yan keçməsinə imkan verəcək.

🖨 Çap et

10:20 04.04.2026

Oxunuş sayı: 53