Elmar Məmmədyarov Simonyanın açıqlamasından danışdı: Düz deyir, təsdiqləyirəm
Cənubi Qafqazda sülh və sabitlik məsələləri yenidən gündəmin əsas mövzularından birinə çevrilib. Ermənistan rəsmilərinin son bəyanatları isə bu istiqamətdə yeni mesajlar və niyyətlərin ortaya qoyulduğunu göstərir. Xüsusilə ölkə parlamentinin sədri Alen Simonyanın "Ermənistanın qonşularına qarşı ərazi iddiaları olmamalıdır" və "Ermənistan isə heç kimə ölkəni regionda təhdid hesab etməyə əsas verməyən konstitusiyanın olmasında maraqlıdır" fikirləri diqqət çəkir. Rəsmi İrəvanın bu ritorikası regionda etimad mühitinin formalaşmasına xidmət edəcək real siyasi iradənin göstəricisidirmi, yoxsa daha çox daxili auditoriyaya hesablanmış mesaj xarakteri daşıyır? Ermənistanın konstitusiyasında mümkün dəyişikliklər ölkəni doğrudan da sülh tərəfdarı olan bir dövlətə çevirə bilərmi – bu sual aktuallığını qoruyur.
Mövzu ilə bağlı keçmiş xarici işlər naziri Elmar Məmmədyarov Crossmedia.az-a açıqlama verib:
"Düz deyir. Mən belə deyərdim ki, onun fikirlərini təsdiqləyirəm. Ermənistanın təkcə Azərbaycana deyil, Türkiyəyə qarşı da iddiaları var idi. Ona görə də belə bir bəyanatla bunu daxili auditoriyaya çatdırır ki, hakimiyyət bu istiqamətdə yol tutacaq".
Ayhan
13:20 25.03.2026
Oxunuş sayı: 63
