Türk dövlətlərindən olan tələbələr Xocalı qurbanlarını anıblar
Türkiyədə Xocalı soyqırımının 34-cü ildönümü ilə əlaqədar “Çanaqqaladan Xocalıya” adlı layihə həyata keçirilib. Layihə çərçivəsində Türkiyənin müxtəlif bölgələrində təhsil alan türk dövlətlərindən olan tələbələrin Çanaqqalaya səfəri təşkil edilib.
Crossmedia.az xəbər verir ki, Türkiyədə yaşayan azərbaycanlı aktrisa Roza İbadova Kocamazın təşəbbüsü və rəhbərliyi ilə baş tutan bu layihəyə Türkiyə Ülkü Ocaqlarının İzmir Təşkilatı, Türkiyə-Azərbaycan Dərnəkləri Federasiyası, İzmir Azərbaycan Mədəniyyət və Həmrəylik Dərnəyi və Manisa Azərbaycan Mədəniyyət və Həmrəylik Dərnəyi dəstək göstərib.
Səfər çərçivəsində Çanaqqala Şəhidliyinə gedən tələbələrə Xocalı soyqırımı haqqında geniş məlumat verilib. Hər iki qardaş ölkənin şəhidlərinin və Xocalı faciəsi qurbanlarının xatirəsi ehtiramla anılıb. Xocalı soyqırımına həsr edilən və Roza İbadova Kocamazın quruluş verdiyi “Mən Xocalıyam” tamaşasından səhnələr ifa olunub.
12:00 04.03.2026
Oxunuş sayı: 317
