Diaspor
Qafqaz Yəhudiləri Mədəniyyət Mərkəzində Xocalı soyqırımının qurbanları anılıb
İsrailin Qiryat Yam şəhərindəki Qafqaz Yəhudiləri Mədəniyyət Mərkəzində Xocalı soyqırımının 34-cü ildönümünə həsr olunan anım guşəsi yaradılıb. Mərkəzin rəhbəri Ben-Zion Şmoelovun təşkilatçılığı və təşəbbüsü ilə ərsəyə gələn guşədə Xocalı soyqırımını əks etdirən fotoşəkillər yer alıb.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Ziyarətçilərə Xocalıda baş vermiş dəhşətli hadisələr barədə ətraflı məlumat vermək, tarixi həqiqətləri beynəlxalq ictimaiyyətə çatdırmaq və faciə qurbanlarının əziz xatirəsini yad etmək məqsədi ilə lövhə hazırlanıb. Sərgilənən fotoşəkillər Xocalı soyqırımının insanlığa qarşı törədilmiş ağır cinayət olduğunu bir daha sübuta yetirib. Bu təşəbbüs Azərbaycan həqiqətlərinin İsraildə təbliği və iki dost xalq arasında tarixi yaddaşın qorunması baxımından mühüm əhəmiyyət kəsb edib.
Məlumat üçün bildirək ki, guşə ayın sonunadək mərkəzdə sərgilənəcək və ziyarətçilərə faciə haqqında ətraflı məlumat əldə etmək imkanı yaradacaq.
16:30 24.02.2026
Oxunuş sayı: 606
