Cənubi Koreya Xarici İşlər Nazirliyi diplomatik missiyaları əmin edir
Cənubi Koreyanın Xarici İşlər Nazirliyi Seuldakı diplomatik nümayəndəliklərə məktub göndərərək, prezident Yun Sok Yol hərbi vəziyyət tətbiq etmək cəhdinin ölkənin təhlükəsizliyinə mənfi təsir göstərmədiyinə inandırıb.
Crossmedia.az xarici KİV-ə istinadən xəbər verir ki, məktubda hərbi vəziyyətin ləğv edildiyi, ictimai asayişin və iqtisadiyyatın sabit qaldığı bildirilir.
Xarici İşlər Nazirliyi onu da qeyd edib ki, Cənubi Koreyaya səyahət tövsiyələrinə yenidən baxmağa ehtiyac yoxdur, çünki ölkədəki vəziyyət gündəlik həyata və iqtisadiyyata təsir göstərməyib.
Qeyd edək ki, hadisəyə cavab olaraq, ABŞ və Böyük Britaniya da daxil olmaqla bir neçə ölkə Cənubi Koreyadakı siyasi vəziyyətlə bağlı vətəndaşlarına xəbərdarlıqlarını yeniləyib.
Gültac Mehdizadə
13:12 05.12.2024
Oxunuş sayı: 6912
