Rubinyan: Sülh onlar üçün maraqlı deyil
Ermənistan parlamentinin sədr müavini Ruben Rubinyan bildirib ki, Robert Kocharyan və iki oliqarxın komandalarının üzvləri hakimiyyətə gələcəkləri təqdirdə sülh müqaviləsini imzalayacaqlarını heç bir halda bəyan etmirlər.
Crossmedia.az xəbər verir ki, bu barədə Ermənistan KİV-i məlumat yayıb.
Rubinyanın sözlərinə görə, onlar müxtəlif bəhanələr gətirirlər: gah Ermənistan üçün əlavə təminatların lazım olduğunu deyirlər, gah əlavə zəmanətçilər axtarmağın vacibliyini vurğulayırlar, gah da mətn üzrə danışıqlar aparacaqlarını bildirirlər. Onun fikrincə, onlar hər şeyi deyirlər, yalnız bir sadə cümləni demirlər: “Əgər hakimiyyətə gəlsək, sülh müqaviləsini imzalayacağıq.”
O bildirib ki, bunun səbəbi qarşılarına qoyulan vəzifənin illərlə çəkilən məhrumiyyətlər və qurbanlardan sonra ölkəyə nəhayət nəfəs almaq imkanı verən mövcud “arxitekturanı” dağıtmaq olmasıdır. Rubinyanın sözlərinə görə, məhz bu arxitektura sayəsində artıq iki ildən çoxdur ki, sərhədlərdə əsgərlər düşmən gülləsindən həlak olmur. O əlavə edib ki, bu sistem Ermənistanı blokadadan çıxaracaq və xalqın – məhz xalqın, onların yox – rifahının artmasına imkan verəcək.
Turqut Ansari
15:15 18.02.2026
Oxunuş sayı: 715
