Gənclik, enerji və peşəkarlıq: "Şərq" qəzetindən Crossmedia.az-a dəstək və təşəkkür
Cəmi bir ay əvvəl fəaliyyətə başlayan Crossmedia.az qısa müddətdə ölkənin ən uğurlu analitik informasiya portallarından birinə çevrilib. Sayt “mediametriks” reytinqində ön sıralarda yer alır və tanınmış media subyektlərini geridə qoyub. Bu uğurun əsas səbəbi, xarici və daxili siyasət mövzularına peşəkar yanaşma və aldatıcı məlumatlardan uzaq, analitik məqalələrlə oxucu etimadı qazanmaqdır. Saytın baş redaktoru, təcrübəli jurnalist və siyasi şərhçi Mübariz Göyüşlünün rəhbərliyi altında fəaliyyət göstərən komanda, daha çox tələbələrdən ibarətdir.
Tanınmış mətbu orqanlardan biri olan Şərq qəzeti ölkənin jurnalistika ənənələrini yaşadan nüfuzlu platformadır. Peşəkar medianın inkişafında önəmli yer tutan bu qəzet, hər zaman yeni və yaradıcı təşəbbüsləri dəstəkləyib. Crossmedia.az-ın uğurlu fəaliyyətini izləyən qəzet, bu analitik portalın jurnalistikaya gətirdiyi yeni nəfəsi yüksək qiymətləndirir.
Crossmedia.az fərqli yanaşması ilə diqqət çəkərək oxucularına yalnız keyfiyyətli məzmun təqdim etməyi qarşısına məqsəd qoyub. Portalın gələcəkdə ingilis və rus dillərində fəaliyyətə başlamaq, həmçinin video platformalarda aktiv olmaq planları, onun hədəflərinin genişliyini nümayiş etdirir.
Crossmedia.az Ailəsindən Təşəkkür
Crossmedia.az komandası olaraq, gördüyümüz işlərin qiymətləndirilməsi və dəstəklənməsi bizi daha da ruhlandırır. Şərq qəzeti başda olmaqla, bizə inanan hər kəsə təşəkkür edir, gələcəkdə də peşəkar və obyektiv jurnalistikaya xidmət etməyə davam edəcəyimizi bildiririk.
Maral Şahverdili
10:08 05.12.2024
Oxunuş sayı: 18068
