Netanyahu: Təhlükəsizlik bərpa olunana qədər müharibə bitməyəcək
İsrail və Livan atəşkəs vəziyyətindədir. Lakin şimalda təhlükəsizlik bərpa olunana qədər bu müharibə bitməyəcək.
Crossmedia.az xəbər verir ki, bu sözləri İsrailin baş naziri Benyamin Netanyahu Naharriya şəhərində hökumətin xüsusi iclasında çıxışı zamanı deyib.
"Bu müharibənin sonu yox atəşkəsdir. Bizim məqsədimiz sakinləri geri qaytarmaq və şimal ərazilərini bərpa etməkdir. Biz bu atəşkəsi dəmir yumruqla qoruyur və hər hansı bir pozuntuya qarşı kiçik və ya ciddi addımlar atırıq”,- deyə o bildirib.
Qeyd edək ki, noyabrın 27-də İsrail və Livan (Hizbullah) arasında atəşkəs qüvvəyə minib.
Nəzrin Salmanova
06:39 04.12.2024
Oxunuş sayı: 32790
