Bu davranış məsuliyyətdən qaçmaqdır - PSİXOLOQ
Təsəvvür edin ki, həyatınızın hər anında haqlı olduğunuzu düşünürsünüz. Heç vaxt səhv etmədiyinizə əminsiniz, hətta ən açıq səhvlərdə belə. Bu qəribə vəziyyətin arxasında hansı psixoloji oyunlar var?
Hər kəs həyatında səhvlər edir, lakin bəziləri bu səhvləri qəbul etməkdə çox çətinlik çəkir. Niyə bəziləri heç vaxt səhv etdiyini düşünmür və başqalarını günahlandırmağa çalışır?
Mövzu ilə bağlı suallara cavab tapmaq və təcrübələrini öyrənmək məqsədilə psixoloq Aytən Ələkbərova Crossmedia.az-a açıqlamasında bildirib:
“Təbii ki, insanların çoxu hər zaman haqlı olduqlarını düşünürlər və hətta səhv etdiklərində belə qarşıdakı insanı günahkar hesab edirlər. Bu davranış məsuliyyətdən qaçmağın bir formasıdır. Öz səhvlərini qəbul etmədikdə şəxsiyyət pozuntusu və narsizm yaranır. Narsist insanlar öz səhvlərini heç vaxt qəbul etməzlər və daima haqlı olduqlarını düşünərlər. Bu da onların sosial və şəxsi münasibətlərində ciddi problemlərə səbəb olur. Bu davranış məsuliyyətdən qaçmağın bir formasıdır”.
Psixoloq Aytən Ələkbərova bildirir ki, qarşılıqlı münasibətlərdə, fərd eqosunu kənara qoymalı və öz səhvini anlamağa çalışmalıdır.
“Öz səhvlərini qəbul etmədikdə şəxsiyyət pozuntusu və narsizm yaranır. Narsist insanlar öz səhvlərini heç vaxt qəbul etməzlər və daima haqlı olduqlarını düşünərlər. Bu da onların sosial və şəxsi münasibətlərində ciddi problemlərə səbəb olur. İnsanları fərqləndirən əsas cəhətlər onların düşüncə tərzləridir. Bu fərqliliklər qarşılıqlı münasibətlərdə qıcıqlara səbəb ola bilər. Buna baxmayaraq, hər bir insan qarşısındakı şəxsin düşüncələrinə hörmətlə yanaşmalı və ona qarşı qıcıqlanmamalıdır.
Emosional zəkası aşağı olan insanlar mübahisələr zamanı hər zaman özlərini haqlı görməyə çalışırlar. Bu cür insanlar müzakirələrdə eqolarını üstün tutaraq, qarşıdakı insanın hisslərini və düşüncələrini nəzərə almırlar. Bunun nəticəsində, münasibətlərdə problemlər yaranır və bu da insanın sosial həyatına mənfi təsir göstərir”.
Samirə Şərif
13:42 03.12.2024
Oxunuş sayı: 8692
