Xarici xəbərlər
Avropa Komissiyası Ukraynanın əlavə maliyyə ehtiyacını dekabra qədər həll etməyə çalışır
Avropa Komissiyası Ukraynanın gələn il üçün maliyyələşmə çatışmazlığını aradan qaldırmaq məqsədilə dekabrın sonunadək həll yolu tapmağı planlaşdırır. Kiyev əvvəllər təsdiqlənmiş 90 milyard avroluq kreditlə yanaşı, əlavə 70 milyard avro maliyyə vəsaiti istəyib.
Crossmedia.az xəbər verir ki, bu barədə “Politico” məlumat yayıb.
Məlumata görə, tələb olunan əlavə vəsaitin 40 milyard avrosunun hərbi xərclərə, 30 milyard avrosunun isə büdcə kəsirinin qarşılanmasına yönəldilməsi nəzərdə tutulur.
Brüssel zəruri maliyyə vəsaitinin cəlb edilməsi üçün Kanada, Yaponiya, Böyük Britaniya və ABŞ-ın əlavə dəstəyinə ümid edir.
Bununla belə, Belçikanın etirazları səbəbindən dondurulmuş Rusiya aktivlərindən istifadə məsələsinin müzakirəyə çıxarılmayacağı ehtimal olunur.
20:20 25.10.2026
Oxunuş sayı: 54
