İran etiraf etdi: Urmu gölünün bərpası uğursuzluqla nəticələnib
Bu gün İranın birinci vitse-prezidenti Məhəmməd Rza Arif etiraf edib ki, Urmu gölünün bərpası üçün son 20 ildə görülən tədbirlər nəticə verməyib.
Onun sözlərinə görə, həyata keçirilən layihələrə və beynəlxalq dəstəyə baxmayaraq, gölün vəziyyətində ciddi irəliləyiş əldə olunmayıb.
Crossmedia.az xarici KİV-ə istinadən xəbır verir.
Arif bildirib ki, bu prosesdə dost ölkələr dəstək göstərib. Ancaq reallıqda suyun səviyyəsində əhəmiyyətli artım müşahidə edilməyib. Xüsusilə son 10 ildə icra olunan layihələrin nəticələrinin gölün vəziyyətinə ciddi təsir göstərmədiyi vurğulanıb.
Vitse-prezident qeyd edib ki, gölün quruması nəticəsində yaranan qum və toz qasırğaları insan sağlamlığı və ətraf mühit üçün ciddi təhlükə yaradır.
O, Urmu gölünün nəyin bahasına olursa olsun bərpa edilməsinin vacibliyini vurğulayıb.
Arif, eyni zamanda ölkənin şərqində yerləşən Hamun bataqlığının da ağır vəziyyətdə olduğunu qeyd edib.
17:58 02.02.2026
Oxunuş sayı: 378
