BRICS ölkələri Yeni Dehli Bəyannaməsini qəbul edib
BRICS liderləri Yeni Dehli sammitində müharibələri, tarifləri və terrorizmi pisləyən Yeni Dehli Bəyannaməsini qəbul ediblər.
Crossmedia.az xəbər verir ki, bu barədə NDTV məlumat yayıb. Sənəddə çoxtərəfli institutların, o cümlədən BMT Təhlükəsizlik Şurasının struktur baxımından yenilənməsi və inkişaf etməkdə olan ölkələrin təmsilçiliyinin artırılması çağırışı yer alıb.
Bəyannamədə “birtərəfli müharibə aktları” qəti şəkildə pislənib, Yaxın Şərqdə davam edən hərbi qarşıdurmalar fonunda dənizçilərin təhlükəsizliyinin və kommersiya gəmiçiliyinin qorunmasının vacibliyi vurğulanıb.
Sənəddə həmçinin BRICS ölkələri arasında ticarətdə ABŞ dolları əvəzinə milli valyutalardan istifadənin artırılması təklif edilib.
21:16 12.09.2026
Oxunuş sayı: 45
