Xarici xəbərlər

İrandan Hörmüz boğazı ilə bağlı yeni açıqlama gəldi

İranda bildirilib ki, Hörmüz boğazında təhlükəsiz gəmiçilik marşrutlarının müəyyənləşdirilməsi məsələsi Omanda müzakirə olunacaq.

Crossmedia.az xəbər verir ki, bu barədə İran Xarici İşlər Nazirliyinin sözçüsü İsmayıl Baqai məlumat verib. O qeyd edib ki, regional razılaşmanın əldə olunması strateji əhəmiyyətli su yolunda avtomatik olaraq tam və davamlı təhlükəsizliyin təmin edilməsi demək deyil.

Baqainin sözlərinə görə, Hörmüz boğazı və Fars körfəzində davam edən qeyri-sabitlik İranın qiymətləndirməsinə əsasən, ABŞ və İsrailin İrana və regiona qarşı “aqressiv hərəkətləri”, dəniz blokadası və iqtisadi müharibəsi ilə bağlıdır.

İran rəsmisi vurğulayıb ki, beynəlxalq dəniz yollarında təhlükəsizliyin uzunmüddətli bərpası yalnız ABŞ-nin təhlükə yaradan fəaliyyətlərinin tam dayandırılması, qanunsuz dəniz blokadasının aradan qaldırılması və regiona hərbi müdaxilənin sona çatmasından sonra mümkün olacaq.

Mövzular:

İran Hörmüz boğazı Fars körfəzi dəniz blokadası ABŞ İran Xarici İşlər Nazirliyi Oman

🖨 Çap et

19:55 12.09.2026

Oxunuş sayı: 40