Xarici xəbərlər

Türk Dövlətləri Təşkilatının Ankara Zirvəsi başa çatıb

Türk Dövlətləri Təşkilatının (TDT) 13-cü Zirvə görüşü Ankarada yekunlaşıb. Liderlər siyasi, iqtisadi və təhlükəsizlik sahələrində əməkdaşlığın dərinləşdirilməsini nəzərdə tutan Ankara Bəyannaməsini qəbul ediblər.

Crossmedia.az xəbər verir ki, Anadolu Agentliyi bu barədə məlumat yayıb.

Bəyannamədə Fələstin məsələsinin iki dövlət prinsipi əsasında həlli, Qəzzaya humanitar yardımın göstərilməsi və bölgənin yenidən qurulmasına dəstək ifadə olunub. Sənəddə həmçinin Suriyanın ərazi bütövlüyünün qorunmasının vacibliyi vurğulanıb.

Zirvədə Orta Dəhlizin inkişafı və nəqliyyat əlaqələrinin gücləndirilməsi əsas prioritetlərdən biri kimi müəyyən edilib. Bundan əlavə, ticarət, enerji təhlükəsizliyi, müdafiə, kibertəhlükəsizlik və rəqəmsal transformasiya sahələrində əməkdaşlığın genişləndirilməsi nəzərdə tutulur.

Mövzular:

Türk Dövlətləri Təşkilatı TDT Ankara Zirvəsi Ankara Bəyannaməsi enerji təhlükəsizliyi əməkdaşlıq

🖨 Çap et

22:10 30.10.2026

Oxunuş sayı: 54