Xarici xəbərlər

Almaniya İranın təhdidlərinə cavab verdi: Biz qorxmayacağıq

Almaniyanın xarici işlər naziri Yohan Vadeful İran tərəfindən səsləndirilən təhdid ritorikasına sərt cavab verib.

Crossmedia.az bu barədə xarici mediaya istinadən xəbər verir.

Nazir İran parlamentinin sədri Məhəmməd Baqir Qalibafın Avropa ölkələrinin silahlı qüvvələrini “terrorçu” adlandırmasını “əsassız və təbliğat xarakterli” kimi qiymətləndirib.

Qalibaf bu açıqlamanı Avropa Birliyinin İranda etirazların qanlı şəkildə yatırılmasına cavab olaraq SEPAH-ı terror təşkilatları siyahısına daxil etməsindən sonra səsləndirib.

Almaniya XİN rəhbəri Cənub-Şərqi Asiya və Sakit Okean regionuna səfərindən öncə jurnalistlərə bildirib ki, Avropa bu cür hədələrdən çəkinməyəcək:

“Biz bu ritorikadan qorxmayacağıq və beynəlxalq hüquqa, dəyərlərimizə əsaslanan mövqeyimizi qoruyacağıq.”

Açıqlama Avropa–İran münasibətlərində gərginliyin artdığı bir dövrdə Berlinin mövqeyinin sərtləşdiyini göstərir və Avropa paytaxtlarının Tehranın təhdidlərinə qarşı geri çəkilmək niyyətində olmadığını nümayiş etdirir.

🖨 Çap et

15:44 02.02.2026

Oxunuş sayı: 454