Starlink dronlara qarşı sürət məhdudiyyəti tətbiq edib
“Starlink” peyk internet sistemi öz terminallarının sürətli pilotsuz uçuş aparatlarında istifadəsinin qarşısını almaq üçün yeni texniki məhdudiyyət tətbiq edib.
Crossmedia.az xarici mediaya istinadən xəbər verir ki, sistem təxminən 75–90 km/saat sürət həddini aşan platformalarda stabil işləməyəcək.
Bildirilir ki, bu məhdudiyyət həm Rusiya, həm də Ukrayna pilotsuz uçuş aparatlarına təsir göstərir. Nəticədə Starlink terminallarının sürətli dronlarda istifadəsi əhəmiyyətli dərəcədə məhdudlaşır.
Hazırda Ukrayna tərəfi yalnız rəsmi və təsdiqlənmiş Ukrayna terminallarının işləməsinə icazə verilməsi üçün “ağ siyahı” mexanizmi üzərində çalışır. Məqsəd Starlink xidmətinin nəzarətsiz və qeyri-qanuni istifadəsinin qarşısını almaqdır.
Məlumata görə, əgər bu sürət məhdudiyyətini aşmaq mümkün olmazsa, Starlink-əsaslı Rusiya zərbə dronlarının effektiv fəaliyyəti mümkünsüz olacaq. Bu addım müasir müharibədə peyk rabitəsinin istifadəsi ilə bağlı yeni texnoloji və təhlükəsizlik müzakirələrini də gündəmə gətirib.
12:42 02.02.2026
Oxunuş sayı: 426
