Ukrayna rəsmisi sülhə çağırdı: Torpaqdan öncə insanlar gəlir
Ukraynanın Nikolayev vilayətinin rəhbəri Vitali Kim insanların torpaqdan üstün tutulduğu sülh sazişinin bağlanmasına çağırıb.
Crossmedia.az xarici mediaya istinadən məlumat verir ki, o, bu barədə Böyük Britaniyanın "The Independent" nəşrinə verdiyi müsahibədə bildirib.
Kimin sözlərinə görə, ərazi məsələsi vacib olaraq qalır, lakin prioritet insan həyatları olmalıdır. “Ərazilər önəmlidir, amma yenə də insanlar daha vacibdir və vəziyyət elədir ki, sabah nə olacağını bilmirik”, – deyə o qeyd edib.
O, vurğulayıb ki, onun şəxsi anlayışına görə qələbə Ukraynanın 1991-ci il sərhədlərinin bərpasıdır. Bununla belə, o, cəmiyyətin və ordunun həddindən artıq yorğun vəziyyətdə olduğunu etiraf edib. “Ukrayna xalqı üçün, məncə, qələbə sadəcə müharibənin dayandırılması və gələcək üçün təhlükəsizlik təminatlarının verilməsidir ki, uşaqlarımız işğaldan əvvəlki həyatı yaşaya bilsinlər”, – deyə o bildirib.
Vilayət rəhbəri həmçinin qeyd edib ki, Kiyevin demək olar ki, vaxtı qalmayıb. Onun sözlərinə görə, Ukrayna müharibədən tam tükənib və əsas problem silah çatışmazlığı deyil, insan resurslarının azalmasıdır. “Bizim əsgərlər dörd-on il ərzində döyüşə bilməzlər”, – deyə Kim vurğulayıb və əlavə edib ki, iqtisadi çətinliklərə baxmayaraq, Rusiyanın vaxt ehtiyatı Ukraynadan daha çoxdur.
Turqut Ansari
11:44 02.02.2026
Oxunuş sayı: 550
