Nuri Əl-Maliki: ABŞ-ın İraq işlərinə müdaxiləsi suverenliyin pozulmasıdır
İraqın sabiq baş naziri və “Dövlət Qanunu” koalisiyasının lideri Nuri Əl-Maliki ABŞ-ın ölkənin daxili işlərinə müdaxiləsini sərt şəkildə tənqid edib.
Crossmedia.az-ın yaydığı məlumata görə, Əl-Maliki bildirib ki, Vaşinqtonun İraq siyasətinə təsiri qəbuledilməzdir və bu, ölkənin suverenliyinin açıq şəkildə pozulması deməkdir.
Onun sözlərinə görə, beynəlxalq münasibətlərdə təhdid və təzyiq dili deyil, dialoq əsas vasitə olmalıdır:
“Ölkələr problemləri təhdid yolu ilə deyil, dialoq vasitəsilə həll etməlidir.”
Sabiq baş nazir eyni zamanda siyasi ambisiyalarına da toxunaraq qeyd edib ki, rəhbərlik etdiyi siyasi blok onun baş nazirliyə namizədliyini dəstəkləməkdə davam edir.
Əl-Malikinin bu açıqlaması İraqda hökumətin formalaşdırılması prosesi və xarici təsirlərlə bağlı müzakirələrin yenidən gündəmə gəlməsinə səbəb olub.
09:51 29.01.2026
Oxunuş sayı: 407
