Tramp İranı bu cür hədələdi
ABŞ Prezidenti Donald Tramp İranı hərbi zərbələrlə hədələyib.
Crossmedia.az bu barədə xarici mediaya istinadən xəbər verir.
O bildirib ki, böyük bir donanma sürətlə İrana doğru irəliləyir və bu qüvvə Venesuelaya göndəriləndən daha güclüdür.
Trampın sözlərinə görə, donanma zərurət yaranacağı təqdirdə güc və zorakılıqdan istifadə etməyə tam hazırdır. ABŞ Prezidenti vurğulayıb ki, Vaşinqtonun əsas məqsədi İranı danışıqlar masasına qaytarmaq və nüvə silahlarının olmadığı ədalətli razılaşmaya nail olmaqdır.
“Vaxt azalır. Bu, son dərəcə vacibdir. Daha əvvəl də dedim: saziş bağlayın. Onlar bunu etmədilər və nəticədə "Gecəyarısı Çəkic Əməliyyatı" baş verdi. Növbəti hücum daha pis olacaq”, – deyə Tramp xəbərdarlıq edib.
ABŞ Prezidenti qeyd edib ki, mümkün yeni hücumun qarşısını almağın yeganə yolu İranın tezliklə razılaşmaya razılıq verməsidir.
16:36 28.01.2026
Oxunuş sayı: 395
