Xarici xəbərlər

SEPAH-ın keçmiş zabitləri ABŞ-dən çıxarıldı

ABŞ Daxili Təhlükəsizlik Departamenti terror fəaliyyəti ilə əlaqədə şübhəli bilinən üç İran vətəndaşının ölkədən deportasiya edildiyini açıqlayıb.

Crossmedia.az bu barədə "Amerikanın səsi"nə istinadən xəbər verir.

Məlumata görə, Ehsan Xalidi, Məhəmməd Mehrani və Murtuza Nəsiri-Kakləkinin İslam İnqilabının Keşikçiləri Korpusunun (SEPAH) keçmiş zabitləri olduğu bildirilir. Onlar bazar günü ABŞ-ni tərk edən 14 İran vətəndaşının olduğu deportasiya reysi ilə ölkədən çıxarılıblar.

Açıqlamada qeyd olunur ki, Məhəmməd Mehrani və Ehsan Xalidi 2024-cü ildə Cənubi Kaliforniya üzərindən ABŞ ərazisinə qanunsuz daxil olublar. Murtuza Nəsiri-Kakləki isə 2024-cü ilin noyabrında Arizona ştatında, Sent-Luis şəhəri yaxınlığında ABŞ Sərhəd Patrul Xidməti tərəfindən saxlanılıb.

Bildirilib ki, bazar günü həyata keçirilən bu uçuş 2025-ci ilin sentyabrından bəri İran vətəndaşları üçün üçüncü deportasiya reysi olub. Daha əvvəl baş tutan iki uçuş zamanı isə ən azı 55 İran vətəndaşının ABŞ-dən geri göndərildiyi açıqlanıb.

🖨 Çap et

10:28 28.01.2026

Oxunuş sayı: 416