Zelenski: Ukrayna ilə Qrenlandiya məsələsi bir-birini əvəz edə bilməz
Ukrayna Prezidenti Volodimir Zelenski Ukrayna müharibəsi ilə Qrenlandiya ətrafında yaranmış müzakirələrin müqayisə edilməsinə münasibət bildirib.
Crossmedia.az bu barədə xarici mediaya istinadən xəbər verir.
Zelenski vurğulayıb ki, bu iki məsələ mahiyyət etibarilə tamamilə fərqlidir və bir-birini əvəz edə bilməz.
“Ukraynanın "konkret təcavüzkarı və konkret qurbanları" var. Müharibəni bitirməyin yeganə yolu Rusiyaya real təzyiq göstərmək və Ukraynanı gücləndirməkdir”, – deyə prezident bildirib.
“Biz Danimarkanın suverenliyinə və ərazi bütövlüyünə hörmət edirik. Ümid edirəm ki, ABŞ diplomatiya yolu ilə Avropaya qulaq asacaq və bu mövzuda böyük təhlükələr yaranmayacaq”, – deyə Ukrayna lideri əlavə edib.
15:47 20.01.2026
Oxunuş sayı: 1292
