Tramp Qrenlandiya məsələsində aldadıldığına görə qəzəbləndi
ABŞ Prezidenti Donald Trump həftəsonu Böyük Britaniyanın Baş naziri Keir Starmer ilə telefon danışığı zamanı Qrenlandiyaya Avropa qoşunlarının yerləşdirilməsi məsələsində ona yanlış məlumat verilmiş ola biləcəyini bildirib.
Crossmedia.az bu barədə CNN-ə istinadən xəbər verir.
Məlumata əsasən, bir neçə NATO ölkəsinin Danimarka ilə birgə hərbi təlimlər çərçivəsində elan etdiyi yerləşdirmələr Trampın narazılığına səbəb olub və ABŞ prezidentini qəzəbləndirib.
Danimarka rəsmiləri isə bildiriblər ki, sözügedən hərəkətlər əvvəlcədən razılaşdırılıb və bu barədə Vaşinqtona vaxtında məlumat verilib.
Böyük Britaniya rəsmiləri Trampın telefon danışığı zamanı daha yumşaq mövqe nümayiş etdirməsini gərginliyin azaldılması üçün mümkün fürsət kimi dəyərləndirirlər. Onların fikrincə, yaranmış vəziyyət ABŞ və Avropa müttəfiqləri arasında dialoqun bərpasına imkan yarada bilər.
11:55 20.01.2026
Oxunuş sayı: 1181
