Londonda keçirilən aksiya zamanı Qreta Tunberq saxlanılıb
Böyük Britaniya polisi dekabrın 23-də Londonda Fələstinə dəstək məqsədilə keçirilən nümayiş zamanı tanınmış isveçli ekoaktivist Qreta Tunberqi saxlayıb. Məlumata görə, o, aksiya zamanı səsləndirilən şüarlar və nümayişin məzmunu ilə əlaqədar olaraq terrorizmi dəstəkləməkdə şübhəli bilinir.
Crossmedia.az xəbər verir ki,London polisi bildirib ki, Qreta Tunberq dindirildikdən sonra zaminə buraxılıb. Onun işi üzrə istintaq davam edir və aktivistin 2026-cı ilin mart ayınadək zamin şərtləri ilə azadlıqda qalacağı qeyd olunub.
Hüquq-mühafizə orqanlarının açıqlamasında vurğulanıb ki, aksiya zamanı ictimai asayişin pozulması və qanunvericiliyin tələblərinə əməl olunmaması ilə bağlı araşdırmalar aparılır. Hadisə Böyük Britaniya ictimaiyyətində və beynəlxalq mediada geniş müzakirələrə səbəb olub.
Qeyd edək ki, Qreta Tunberq daha əvvəl də müxtəlif ölkələrdə keçirilən etiraz aksiyalarında fəal iştirakı ilə gündəmə gəlib və bir sıra hallarda polis müdaxiləsi ilə üzləşib.
Nastya Qəniyeva
12:44 24.12.2025
Oxunuş sayı: 3296
