Türkiyə ilk Ay missiyası üçün kosmik aparat hazırlayıb
Türkiyə ilk Ay missiyası çərçivəsində istifadə ediləcək kosmik aparatın istehsalını başa çatdırıb.
Crossmedia.az xəbər verir ki, təxminən 3,5 ton ağırlığında olan aparatın lokallaşdırma səviyyəsi 80 faizdən çoxdur və hazırda sınaqlara göndərilib. Onun 2027-ci ildə kosmosa buraxılması planlaşdırılır.
Aparatın təxminən iki aylıq uçuşdan sonra Ayın səthindən 100 kilometr yüksəklikdə yerləşən qütb dairəvi orbitinə çıxarılması nəzərdə tutulur. Kosmik aparatın burada ən azı üç ay fəaliyyət göstərməsi, missiyanın isə zərurət yaranacağı halda 1,5 ilədək uzadılması planlaşdırılır.
Missiya zamanı Günəş küləyinin Ay səthi ilə qarşılıqlı təsiri, suyun əmələgəlmə mexanizmləri, Ayın maqnit sahəsi, istilik xüsusiyyətləri və radiasiya mühitinin araşdırılması nəzərdə tutulur.
19:06 15.09.2026
Oxunuş sayı: 46
